Avstriyanın "Rapid" (Vyana) komandasının 3 futbolçusu - Ferdi Dröyf, Yusuf Demir və Roman Kerşbaum zədəsini sağaldaraq sıraya dönüb.
Sport24.az xəbər verir ki, bu barədə Vyana təmsilçisinin baş məşqçisi Ferdinand Feldhofer klubun rəsmi saytına açıqlamasında deyib.
Onun sözlərinə görə, Avropa Konfrans Liqasının 3-cü təsnifat mərhələsində “Neftçi"yə qarşı keçirəcəkləri cavab matçında hər 3 futbolçunun xidmətindən istifadə edə biləcəklər.
“Neftçi” Bakıdakı ilk qarşılaşmada "Rapid"ə 2:1 hesabı ilə qalib gəlib. Bu komandalar arasında cavab oyunu avqustun 11-də Vyanada keçiriləcək.
