Ötən həftə futbol üzrə İspaniya çempionatında “Valensiya” ilə səfər oyununda irqçi hücuma məruz qalan “Real”ın hücumçusu Vinisiusa dəstək olanların sayı durmadan artır. Sport24.az xəbər verir ki, Formula 1 üzrə 7 qat dünya çempionu 8lan britaniyalı Lüis Hemilton da braziliyalı futbolçuya dəstək nümayiş etdirib və mövcud vəziyyətdən danışıb: “2023-cü ildə belə hadisələrlə üzləşmək dəhşətdi. Bu, həqiqətən də məni şoka saldı. Doğrusu, mən də Formula 1 yarışlarında belə hadisələrlə üzləşmişəm. Həqiqətən də, bunu həzm etmək çətindir. Vinisius meydanda möhkəm dayandı. Adətən belə vəziyyətlərlə üzləşənlər möhkəm olur və özlərini elə aparırlar ki, balaca uşaqlar bunu hiss etməsin. Bu gün cəmiyyət daxilində diskriminasiya halları yaşanmır. Amma idman bu bəladan xilas olmayıb. Ona görə də çox çalışmaq lazımdı. Biz hamımız problemi aradan qaldırmaq üçün birləşməliyik. Növbəti dəfə Braziliyaya gedəndə onlara dəstək olacam!”.
Hemilton braziliyalı futbolçuya dəstək oldu
