Misli Premyer Liqasında 2022/23 mövsümünün son turu bu gün start veriləcək.. Sport24.az "Səbail" - "Şamaxı" oyunu üçün komandaların sarı vərəqə statistikasını təqdim edir.
"Səbail" 23 nəfərə 73 sarı vərəqə alıb. Məşqçilər korpusundan yalnız Kərim Diniyev bir dəfə sarı vərəqə ilə cəzalandırılıb. Bayıl təmsilçisinin heyətində sarı vərəqə səbəbindən oyun buraxan futbolçuların sayı 7-di. Elmir Tağıyev və Adil Nağıyev sarı vərəqə limitini doldurduqları üçün hərəyə iki dəfə oyun buraxmalı olublar. Qustavo de Fransa, Maksim Çex, Ağabala Ramazanov, Qoba Zapka və Turan Manafov isə cəza səbəbindən hərəyə bir dəfə meydanda olmayıblar.
"Şamaxı" isə 22 nəfərlə 56 sarı vərəqə alıb. Baş məşqçi Vüqar Əsgərli, məşqçilər Cavid Hüseynov və Elhad Nəziri hərəyə bir dəfə sarı vərəqə ilə cəzalanıblar. Sarı vərəqə limitini doldurduğu üçün oyun buraxan futbolçuların sayı isə 4-ə bərabərdi. Rauf Hüseynli, Elvin Məmmədov, Elçin Rəhimli və Bahadur Həziyev hərəyə bir dəfə cəza alıblar.
