Misli Premyer Liqasının XXVII turuna "Qəbələ" - "Şamaxı" oyunu ilə yekun vurulacaq. Sport24.az turun son oyunu üçün sarı vərəqə limitində olan futbolçularla bağlı məlumatı təqdim edir.
Meydan sahibinin heyətində bir futbolçu sarı vərəqə limitindədir. Yarımmüdafiəçi Omar Haninin aktivində 3 sarı vərəqə var. İordaniyalı futbolçu 3, 5, və 21-ci turlarda cəzalanıb. Bu görüşdə də sarı vərəqə alacağı təqdirdə, növbəti turda "Sabah"la səfər oyununda meydanda olmayacaq.
"Şamaxı"nın isə 4 üzvü cəzanın bir addımlığındadı. Müdafiəçi Nihad Quliyev 17, 20, 23, yarımmüdafiəçilər - Elvin Məmmədov 3, 5, 15, Emin Zamanov 2, 3, 21, Əli Səmədov isə 6, 9 və 25-ci turlarda cəzaya məruz qalıblar. Qəbələ səfərində qeydə alınacaq daha bir sarı vərəqə adıçəkilən oyunçuları XXVIII turda lider "Qarabağ"la ev oyunundan məhrum edəcək.
Qeyd edək ki, "Qəbələ" - "Şamaxı" oyunu 17:00-da başlayacaq.
