Misli Premyer Liqasında mövsümə "Qarabağ" - "Turan Tovuz" oyunu ilə yekun vurulacaq. Sport24.az komandaların bu oyunadək sarı vərəqələrlə bağlı statistikasını təqdim edir.
Çempion "Qarabağ"da sarı vərəqə alanların sayı 19-dur. Ümumi sarı vərəqə isə 57-ə bərabərdir. Heyətdə Julio Romao sarı vərəqə limitini doldurduğu üçün 2 oyunda komandasına kömək edə bilməyib. Kevin Medina, Bəhlul Mustafazadə, Elvin Cəfərquliyev, Rahil Məmmədov, Musa Qurbanlı və Riçard Almeyda isə hərəyə bir dəfə cəzalanıblar.
Debütant "Turan Tovuz"da isə mövsüm ərzində komandanın 24 üzvünə sarı vərəqə göstərilib. Tovuz təmsilçisinin passivində ümumilikdə 72 sarı vərəqə var. Bunlardan ikisi baş məşqçi Ayxan Abbasovun adına yazılıb. Sarı vərəqə limitini dolduruğu üçün komandanın 8 üzvü hərəyə bir dəfə cəzalanıblar. Bunlar Piruzi Marakvelidze, Okebuqvu Henri, Şəhriyar Əliyev, Natan Oduva, Eltun Turabov, Denis Marandiçi, Sadiq Quliyev və Xəyal Nəcəfovdur.
Qeyd: Statistikada mövsüm ərzində komandaları tərk edən futbolçular nəzərə alınmayıb.
