Azərbaycanda klub almaq istəyi boşa çıxıb. Sport24.az-ın əldə etdiyi məlumata görə, ərzurumlu iş adamı Yasin Kıyıcı II Liqada çıxış edən “Şəfa”nın səhmlərinin müəyyən hissəsini almaq niyyətində idi. Bu məqsədlə Bakıya səfər edən biznesmenin klub rəhbərliyi ilə görüşü nəticəsiz qalıb.
Bir müddət əvvəl Yasin Kıyıcının Azərbaycan futbolunda klub almaq istədiyini, yaxın vaxtlara Azərbaycana gələcəyini xəbər vermnişdik. Ötən həftə Kıyıcı paytaxta təşrif buyurub və “Şəfa” rəsmiləri ilə danışıq masası arxasına oturub. Ancaq uzun sürən müzakirələrdən sonra ortaq məxrəcə gəlmək mümkün olmayıb. Ərzurumlu iş adamı istəyinə çatmayınca, Vətəninə qayıdıb.
Qeyd edək ki, 1997-ci ildə əsası qoyulan klub 2005-ci ildə klub tarixin yaddaşına köçsə də, 2023-cü ilin əvvəlində yenidən fəaliyyətini bərapa edib.
RƏŞAD QASIMOV
