Xizək idmanı üzrə Dünya Kuboku sona yaxınlaşmaq üzrədi. Sport24.az xəbər verir ki, İsveçin Falun şəhərində keçirilən 13-cü mərhələdə azarkeşlər klassik üslubda izləmə yarışına şahidlik edib. Qadınların mübarizəsində 4 qat olimpiya mükafatçısı Kerrtu Niskanen uğur qazanıb. Finlandiyalı pilot 10 km məsafəni 27 dəqiqə 8 saniyəyə qət edərək finiş xəttini birinci keçib. Ondan 15,9 saniyə geri qalan almaniyalı Katarina Henninq 2-ci olub. Norveçli Anne Kyersti Kalvo isə 3-cü ən yaxşı nəticəni göstərib.
Kişilərin izləmə yarışında isə fəxri kürsünün hər 3 pilləsini norveçli xizəkçilər tutub. 5 qat Olimpiya çempionu Yohannes Klebo 10 km məsafəni 23 dəqiqə 55 saniyəyə geridə qoyaraq fəxri kürsünün ən üst pilləsinə qalxıb. Martin Nyuenqet 2-ci, Harald Amundsen isə yarışı 3-cü yerə sahib çıxıb.
Ümumi sıralamaya gəlincə, qadınların mübarizəsində norveçli Tiril Udnes Venq 1796 xalla liderliyini davam etdirir. Kişilərin yarışında isə Yohannes Klebo 2258 xalla turnir cədvəlinə başçılıq edir.
