"Azarkeşlərimizə təşəkkür edirəm. İş vaxtı olanda matça gəlməyə çətinlik çəkirlər. Amma bu gün bizi tək qoymadılar". Sport24.az-ın Şamaxıya ezam edilmiş əməkdaşı var ki, bunu "Şamaxı"nın baş məşqçisi Vüqar Əsgərli "Səbail"ə 2:1 hesabı ilə qalib gəldikləri Azərbaycan Premyer Liqasının XIX tur oyunundan sonra mətbuat konfransında deyib.
39 yaşlı mütəxəssis futbolçuların əzmkarlıq göstərdiyini bildirib: "Qələbə münasibəti ilə oyunçularımı təbrik edirəm. Bizim üçün qələbə vacib idi. Gələcək qarşılaşmalarda "Səbail"ə uğurlar arzulayıram. Biz isə "Qarabağ"la görüşə hazırlaşacağıq".
Əsgərli hər iki hissədə fərqli oyun nümayiş etdirmək istədiklərini söyləyib: "Fasilədə özümüzdə və rəqibdəki boşluqları oyunçulara izah etdik. Bəzən bunlardan istifadə etsək də, davamını gətirə bilmirik. Oyun gedə-gedə dronla çəkilişlərimiz vardı. Ordakıbəzi kadrları futbolçulara göstərdik və lazım olanları izah etdik".
Baş məşqçi son olaraq transferlər barədə danışıb: "Axtarışlarımız davam edir. 1-2 mövqedə çatışmazlıqlar var. Gənc oyunçularla danışıqlar aparılır".
MEHMAN SÜLEYMANOV, Şamaxı
