Misli Premyer Liqasının 6-cı turunun "Səbail" - "Kəpəz" (0:3) matçından sonra qonaq komandanın baş məşqçisi Şahin Diniyev mətbuat konfransını keçirib. Sport24.az xəbər verir ki, təcrübəli mütəxəssis komandasının səfərdəki inamlı qələbəsini belə şərh edib: "Hesab bizi aldatmasın. Çətin oyun oldu. Meydançanın ideal olmaması topa nəzarətdə problem yaradırdı. Əlimizdə düşən fürsətlərdən istifadə etdik. Bir neçə qol epizodumuz da var idi. Amma inanın, ən çətin oyunlarımızdan birini keçirdik".
Diniyevin fikrincə, ilk hissədə komandasl onun istədiyi futbolu oynaya bilməyib: "Artıq komandanın oyunu var, həm də nəticəyə oynaya bilirik. "Kəpəz"ə qol epizodu vermədik. Müdafiədə etibarlı oynadıq, hücumda kreativ oynamağa çalışdıq. Qələbəyə layiq idik. Matçdan əvvəlki analizlərimizdə bizi çətin oyunun gözlədiyini düşünürdük. "Kəpəz"in cinahlarını bağladıq, Abdullah Şuaybunun sürətini "söndürə" bildik".
