"Ötən illə müqayisədə bu mövsüm avrokuboka yollanmaq şansımız daha çoxdu. Ötən il daha az idi. Son oyunda "Sumqayıt" "Sabah"dan xal aldı və bundan sonra avrokuboka getməyimiz dəqiqləşdi. Həmin vaxt taleyimiz öz əlimizdə deyildi. Bu səbəbdən bu mövsüm şansımız daha çoxdu". Bu sözləri Sport24.az-a açıqlamasında "Qəbələ"nin kapitanı Asif Məmmədov deyib.
Hazırda zədə səbəbindən yaşıl meydanlardan kənarda qalan 37 yaşlı yarımmüdafiəçi gözləntilərini açıqlayıb: Düzdür, həyəcan, gərginlik var. Amma bu dəfə şansımız daha çoxdu. Çünki Premyer Liqada olmasa belə, qarşıda final görüşümüz var. Amma bu işi Kuboka saxlamaq istəmirik. Premyer Liqada avrokubokarı təmin edib, finala ahat çıxmaq istəyirik".
Qeyd edək ki, "Qəbələ" hazırda 49 xalla 4-cü pillədə qərarlaşıb.
MEHMAN SÜLEYMANOV
