Misli Premyer Liqasının XXVIII turunda "Kəpəz" - "Səbail" matçından əvvəl basketbolçularla görüş olub. Sport24.az-ın Gəncəyə ezam olunmuş əməkdaşı xəbər verir ki, Azərbaycan Kubokunun qalibi olan "Gəncə" basketbol komandasının üzvləri "Kəpəz"in rəhbərliyinin dəvətilə Gəncə şəhər stadionunda olublar.
Gəncəli azarkeşlər qalibləri alqöşlarla qarşılayıb. Matçdan əvvəl Kubokun yerlu publika üçün təqdimatı olub.
Basketbolçulara xatirə hədiyyələri təqdim olunub. "Kəpəz"in İdarə Heyətinin sədri İlqar Nadiri "20 nömrə"li futbolkanı "Gəncə"yə təqdim edib. Bu yerdə bildirək ki, 20 Gəncənin avtomobil seriyasıdı.
Basketbolçular bundan sonra tribunaya qalxaraq matçın ilk hissəsini izləyiblər. "Gəncə" məşqi olduğundan fasilədə arenanı tərk edib.
MEHMAN SÜLEYMANOV, Gəncə
